1951 წელს გამოქვეყნდა ჯერომ დავიდ სელინჯერის (თანამედროვე ამერიკელი მწერალი) რომანი "თამაში ჭვავის ყანაში", რომელიც სულ ცოტა 23 ენაზე მაინც არის თარგმნილი და რომელმაც მწერალს მსოფლიო აღიარება მოუტანა. სელინჯერს ასევე დაწერილი აქვს 28 მოთხრობა და ნოველა, ბოლო მოთხრობები დაიბეჭდა 1965 წელს "ნიუ-იორკერში". უფროსკლასელთა და კოლეჯების სტუდენტთა თაობები ძველებურად თვლიან, რომ "თამაში ჭვავის ყანაში" მათი ჰიმნია, მათი ეპოსია, კვლავინდებურად ეწაფებიან წიგნში თავიანთ იუმორს და ისევ მიაჩნით იგი საკუთარ მანიფესტად. არ ვიცი გამოგიცდიათ თუ არა, მაგრამ ამ რომანის კითხვისას ისე ცხადად ხედავ ყველაფერს, თითქოს ფილმი გენახოს. თუ ჯერ კიდევ არ არსებობს ამაზე ფილმი, რომელ რეჟისორსაც გინდა ვურჩევ გადაიღოს, წარმატება გარანტირებული აქვს.
|